RIA Novosti-ի փոխանցմամբ`Ռուսաստանը կկիրառի անհրաժեշտ ռազմատեխնիկական միջոցառումներ, եթե ՆԱՏՕ-ն շարունակի իր ենթակառուցվածքները մոտեցնել ռուսական սահմաններին, հայտարարել է ՌԴ ԱԳ նախարար Սերգեյ Լավրովը:
«Մենք միշտ նախազգուշացրել ենք, որ եթե ռազմական ենթակառուցվածքները մոտենան ռուսական սահմաններին, ապա մենք բնականաբար կկիրառենք անհրաժեշտ ռազմատեխնիկական միջոցներ: Ինչպես ասվում է «ոչ մի անձնական բան` մաքուր բիզնես»,- ասել է նա շվեդական DN պարբերականին տված հարցազրույցում:
Լավրովի խոսքով` Ռուսաստանի արևմտյան գործընկերները միշտ ասել են, որ ՆԱՏՕ-ն ոչ մի մտադրություն չունի միջոցառումներ կիրառել ի վնաս Ռուսաստանի անվտանգության: «Սակայն, եթե մտադրություն չկա, բայց ենթակառուցվածքը ուղիղ «մեր շեմի» մոտ է, ապա հետ հրել հավանաբար հարկ կլինի ոչ թե մտադրություններին, այլ այն, ինչ տեսնում ենք մեր սեփական աչքերով»,- ընդգծել է նա: