RIA Novosti-ի փոխանցմամբ` պաշտոնական Դամասկոսի պահվածքի պատճառով գնալով ավելի է դժվարանում սիրիական կարգավորման մեջ առաջընթացի հասնելը: Այդ մասին հայտնել է Մեծ Բրիտանիայի ԱԳ նախարար Ֆիլիպ Համոնդի հայտարարությունում:
«Միջսիրիական խաղաղ բանակցությունները կարող են արդյունքներ տալ, եթե միայն կողմերը պատրաստ լինեն քաղաքական փոփոխությունների մասին բանակցությունների, եթե հրադադարի պայմանները կատարվում են, և եթե կարիքավոր շրջաններում ապահովվում է հումանիտար օգնության ամբողջական հասանելիությունը»,- ասված է Համոնդի հայտարարությունում:
«Չնայած ՄԱԿ-ի հատուկ հանձնակատարի ջանքերին, առաջընթացի հասնելը դառնում է ավելի դժվար»,- նշել է Համոնդը:
Նախարարի խոսքով՝ «Ասադի ռեժիմը շարունակում է արգելափակել և դանդաղեցնել հումանիտար օգնության հասանելիությունը» որոշ շրջաններ, իսկ այլ դեպքերում չի թույլատրում բժշկական միջոցների մատակարարումը:
«Հրադադարը նույնպես շարունակում է խախտվել հիմնականում Ասադի ուժերի ռեժիմի կողմից, որը անցյալ շաբաթ ռմբակոծել է հիվանդանոցներ, դպրոցներ, շուկաներ և որոնման-փրկարարական կենտրոններ»,- նշել է նախարարը:
