Ինչպես նախորդ օրը, այս գիշեր ևս ադրբեջանական ԶՈւ-ն իր տրամադրության տակ եղած գրեթե բոլոր հրետանային զինատեսակներից, այդ թվում նաև ականանետերից, թնդանոթներից ու «գրադ» կայանքներից ղարաբաղյան դիրքերի և խաղաղ բնակավայրերի վրա արձակել է ավելի քան 550 արկ: Ավելի ինտենսիվ հրետակոծություններ են արձանագրվել շփման գծի հյուսիս-արևելյան ուղղությամբ: Հրետակոծության են ենթարկեվել Մարտակերտ, Ներքին Հորաթաղ և այլ խաղաղ բնակավայրեր: Հակառակորդի կողմից ձեռնարկված ագրեսիվ գործողությունների հետևանքով վիրավորում է ստացել ՊՆ զինծառայող, 1996թ. ծնված Հայկ Սամվելի Մինասյանը: Սահմանային լարվածության մասին պարբերաբար տեղեկացվում է ԵԱՀԿ գործող նախագահի անձնական ներկայացուցիչ դեսպան Անջեյ Կասպերշիկին:
Պաշտպանական բանակի առաջապահ ստորաբաժանումները հակառակորդի նախահարձակ գործողությունները չեզոքացնելու նպատակով դիմել են պատժիչ գործողությունների և թիրախային հարվածներ հասցնելով՝ թշնամուն պատճառել կենդանի ուժի և տեխնիկայի զգալի կորուստներ: Ադրբեջանական կորուստների մասին հայտարարում է հենց ինքը՝ հակառակորդը:
Գիշերվա իրադարձություններից հետո ադրբեջանական մամուլը հայտնում է, որ հայկական զինուժը հարվածել էլեկտրակայանին, որի հետևանքով Թարթառն ու 11 գյուղեր մնացել են առանց էլեկտրասնուցման: Բայց դրանից՝ նշվում է ադրբեջանական գյուղերում լուրջ ավերվածությունների, մեծաթիվ զոհերի ու վիրավորների մասին:
«Պնդումները, թե Արցախի ՊԲ-ն կիրառել է միջազգային կոնվենցիաներով արգելված զինամթերք, Ադրբեջանի հերթական զառանցանքն է»,- հայտարարել է ԼՂՀ ՊԲ մամուլի խոսնակ Սենո Հասրաթյանը:
Մանրամասները՝ տեսանյութում: