Այսօր Վարչական դատարամում ԱԱԾ ներկայացուցիչ Թաթուլ Ղուկասյանը հայտարարել է, որ ապրիլի 25-ին «Հիմնադիր խորհրդարանի անդամ «Հայկական վերածնունդ» կազմակերպության Փարիզի մասնաճյուղի համակարգող Շանթ Ոսկերչյանի անունը հանվել է Հայաստան մուտք գործելու իրավունք չունեցող անձանց ցանկից՝ հիմքերի վերացման պատճառով: Հիշեցնենք, որ անցյալ տարվա մայիսին Ոսկերչյանին իրավապահները թույլ չտվեցին մուտք գործել Հայաստան, նրան «Զվարթնոց» օդանավակայանում հարկադրաբար 12 ժամ պահելուց հետո հետ ուղարկեցին Ֆրանսիա:
«Առաջին լրատվական»- ի հետ զրույցում Շանթ Ոսկերչյանը նշեց. «Այսօր իմ կյանքի ամենաերջանիկ օրն է, չէի սպասում, իսկապես շատ հուզված եմ, չափազանց ուրախ եմ, չեք կարող երևակայել: Արդեն տոմսս վերցրել եմ: Շատ շուտով կգամ Հայաստան»:
Մանրամասները՝ տեսանյութում: