Նավթ արտահանող երկրների կազմակերպությունը (ՕՊԵԿ) իջեցել է 2016 թվականին նավթի համաշխարհային պահանջարկի աճի կանխատեսումն օրական 50 հազար բարելով և այժմ սպասում է, որ պահանջարկն ընթացիկ տարում, 2015 թվականի համեմատ, կմեծանա օրական 1.5 մլն բարելով։ Այս մասին ասվում է կազմակերպության ապրիլյան զեկույցում։
ՕՊԵԿ-ի գնահատականներով՝ 2015 թվականին նավթի պահանջարկը կազմել է օրական 92.98 մլն բարել, ինչը 1.54 մլն բարելով ավելի է, քան նախորդ տարի՝ հայտնում է TASS գործակալությունը։