ՄԱԿ-ի գլխավոր քարտուղար Պան Գի Մունը ծայրահեղ անհանգստություն է արտահայտել Լեռնային Ղարաբաղում ծանր սպառազինության օգտագործման և մեծ քանակությամբ զոհերի կապակցությամբ, հայտնում է RIA Novosti-ն:
Ինչպես ասված է ՄԱԿ-ի մամլո ծառայության հայտարարությունում` գլխավոր քարտուղարը «կոչ է անում հակամարտության հետ կապ ունեցող բոլոր կողմերին անմիջապես դադարեցնել զինված գործողությունները, լիովին կատարել կրակի դադարեցման համաձայնությունը և անմիջապես քայլեր ձեռնարկել իրադրության կարգավորման ուղղությամբ»:
Նշված է, որ նրան հատկապես անհանգստացնում է ծանր զինատեսակների օգտագործման և մեծ քանակությամբ զոհերի մասին հաղորդագրությունը, այդ թվում քաղաքացիական բնակչության շրջանում:
Այդ կապակցությամբ Պան Գի Մունը հաստատել է իր լիակատար աջակցությունը ԵԱՀԿ Մինսկի խմբին և բոլոր այն կողմերին, որոնք աշխատում են «այդ վտանգավոր իրադրության լուծման վրա և հետևում են Լեռնային Ղարաբաղի հակամարտության խաղաղ լուծմանը բանակցությունների հիման վրա» :