Հայաստանի Հանրապետության և Ռուսաստանի Դաշնության նախագահներ Սերժ Սարգսյանը և Վլադիմիր Պուտինը մարտի 10-ին Մոսկվայում մտքեր կփոխանակեն Լեռնային Ղարաբաղի հակամարտության վերաբերյալ: Ինչպես հայտնում է RIA Novosti-ն՝ այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը:
Պեսկովը, պատասխանելով այն հարցին, թե որքանով է հնարավոր ղարաբաղյան հակամարտության վերսկսումը՝ կապված Մերձավոր Արևելքում տիրող իրավիճակի և ռուս-թուրքական հարաբերությունների հետ, ասել է. «Անշուշտ, նման փոթորկոտ տարածաշրջանում հարևանությունը կայունություն չի ապահովում մեր հարևանների համար: Սակայն, իհարկե, պետք է ասել, որ առավել հրատապ հարցերի շուրջ մտքերի փոխանակություն կլինի ավելի ուշ»:
Մոսկվայում ՀՀ Նախագահ, Հայաստանի շախմատի ֆեդերացիայի նախագահ Սերժ Սարգսյանը մարտի 10-ին կմասնակցի նաև շախմատի աշխարհի չեմպիոնի կոչման հավակնորդների մրցաշարի բացման հանդիսավոր արարողությանը: