Նոյեմբերի 7-ին Սյունիքի մարզկենտրոնում տեղի ունեցած ծեծկռտուքի պատճառով մարզի քննչական բաժանմունքում ՀՀ քրօրենսգրքի 258 հոդվածի 3-րդ մասի 1,2 կետերի ու 216 հոդվածի 1-ին մասով հարուցվել է քրեական գործ։ Դատարանը բավարարել է միջնորդությունը. կալանավորվել են Զոհրաբ Ավանեսյանը, Միհրան Հայրապետյանն ու Գրիգոր Փարսյանը։ Երիտասարդները վիճաբանության են բռնվել նոյեմբերի 7-ին՝ ժամը 20:30-ին, Կարեն Դեմիրճյանի անվան հրապարակում։ Պարեկապահակային ծառայության աշխատակիցները փորձել են կարգի հրավիրել երիտասարդներին, ովքեր միջին աստիճանի ալկոհոլային ազդեցության տակ են եղել: Երիտասարդները պարեկապահակային ծառայության աշխատակիցներին դիմադրություն են ցույց տվել, որոնց օգնության են հասել ոստիկանները։ Նույն օրը նրանք ձերբակալվել են, իսկ նոյեմբերի 9-ի երեկոյան նրանց դեմ քրեական գործ է հարուցվել։ Երիտասարդները դատարանում ընդունել են իրենց մեղքը:
