Ամերիկացի քաղաքագետ, ԱՄՆ նախկին նախագահ Ջ. Քարտերի ազգային անվտանգության հարցերով խոհրդական Զբիգնեւ Բժեզինսկին, ըստ ադրբեջանական Trend գործակալության, հայտարարել է, որ Ադրբեջանում ԱՄՆ-ի դեսպանի պաշտոնում Մեթյու Բրայզայի նշանակման արգելափակումը` արտաքին քաղաքականություն վարելու ճիշտ միջոց չէ: Բժեզինսկին այս մասին հայտարարել է` ելույթ ունենալով Վաշինգտոնում տեղի ունեցած՝ «Ամերիկաադրբեջանական հարաբերություններ. ռազմավարական համագործակցության իրավիճակը» խորագրով խորհրդաժողովի ժամանակ, որի կազմակերպիչն է Jamestown foundation-ը: «Այլ երկրների դեսպանի նշանակման արգելափակումը ճիշտ տարբերակ չէ արտաքին քաղաքականության տեսակետից: ԱՄՆ քաղաքացիների ցանկացած խումբ իրավունք ունի իր տեսակետը հայտնելու արտաքին քաղաքական հարցերում, այլ հարց է, թե կառավարությունը ականջալուր կարող է լինել այդ պահանջներին»,- նկատել է Բժեզինսկին` հավելելով, որ կառավարությունը պետք է այլընտրանքային որոշումներ առաջարկի եւ հստակ գնահատականներ տա ստեղծված իրավիճակին, մասնավորապես Բժեզինսկի նշել է, թե Բրայզային կարելի է նշանակել Ադրբեջանում ԱՄՆ-ի ներկայացուցիչ` առանց Սենատի հաստատման: