«Անկախության օրվանից սկսած, և մինչ այդ էլ, մենք ունեցել ենք քաղաքական հայացքների համար հետապնդվողներ, մինչ այսօր էլ ունենք: Շատ եմ ցավում, որ քաղաքական հայացքների համար նախկին հետապնդվողներն այսօր իրենց հետապնդողին ողջունեցին:
Մինչև վերջ պետք է պայքարել և հասնել համակարգային փոփոխության, այլ ոչ թե ժամանակը անցնի, դու էլ փոխվես, դառնաս այդ ճնշող համակարգի մի մասը:
Նիկոլ Փաշինյանը, Ալիկ Արզումյանը, Գագիկ Ջհանգիրյանը ողջունեցին ՄԻՊ Արման Թաթոյանին, այսպիսի հիմնավորմամբ, որ իբրև թե նա կապ չի ունեցել Մարտի 1-ի գործերի հետ: Բայց սրանով ուղղակի փորձել են մոլորեցնել հանրությանը:
Եթե 2 տարի շարունակում ես նույն քաղաքականությունը, այսինքն՝ քո իշխանությունների ժխտողական քաղաքականությունն ես վարում ՄԻԵԴ-ում, անկախ նրանից՝ այդ փաստաթղթի պատասխանը դու ես ուղարկել, թե ոչ, քո ժամանակ է ստեղծվել, թե ոչ, միևնույն է, դու նույն քաղաքականությունն ես սպասարկել, չես դադարացրել այդ քաղաքականությունը:
Պաշտոնապես ՀՀ իշխանությունները չեն ընդունել և չեն ընդունում, որ ՀՀ-ում եղել են և կան քաղաքական հայացքների համար հետապնդվող անձինք»: Այս մասին փետրվարի 26-ին ԱԺ ճեպազրույցների ժամանակ ասաց «Ժառանգություն» խմբակցության պատգամավոր Զարուհի Փոստանջյանը։
Մանրամասները՝ տեսանյութում: