Նավթը չի կարող մեկ բարելի դիմաց 60 դոլարից թանկանալ ԱՄՆ-ում ֆրեքինգի (ապարների հիդրավլիկ ճեղքում) պատճառով։ Այդպես է կարծում ՕՊԵԿ-ի գլխավոր քարտուղար Աբդալլա Ալ-Բադրին։
«Չգիտեմ, թե ինչպես մենք կգոյակցենք սրա հետ»,-Ալ-Բադրիի խոսքերն է մեջբերում Bloomberg գործակալությունը՝ ԱՄՆ-ում թերթաքարային նավթի արդյունահանման վերաբերյալ։ ՕՊԵԿ-ի գլխավոր քարտուղարը նշել է, որ եթե համաշխարհային շուկաներում նավթի գները հասնեն 60 դոլարի, միանգամից արդյունաբերությունը կընդլայնեն ամերիկյան ընկերությունները, որոնք կիրառում են հիդրավլիկ ճեղքման մեդթոդը։
«Արժեքի ցանկացած բարձրացման դեպքում անհապաղ արձագանք կտա թերթաքարային ոլորտը և կծածկի բոլոր կրճատումները (արդյունահանման ծավալները)»,- ասել է նա ամերիկյան Հյուսթոն քաղաքում IHS CERAWeek ամենամյա միջազգային նավթագազային համաժողովի ժամանակ ելույթում։
Ալ-Բադրիի խոսքով՝ ներկայումս նավթային շուկաներում իրավիճակն ավելի բարդ է, քան երբևէ։ «Եթե 2017 կամ 2018 թվականներին գները բարձրանան, ապա բարձրացումը կսահմանափակվի ԱՄՆ թերթաքարային նավթով»,- ասել է նա:- «Ահա թե ինչով է այս անգամ տարբերվում իրավիճակը»։