Ռուսաստանն ու ՕՊԵԿ-ի մի շարք երկրներ պայմանավորվել են սառեցնել նավթի արդյունահանման մակարդակը

Ռուսաստանի և ՕՊԵԿ-ի մի շարք երկրների էներգետիկայի նախարարներ Կատարի մայրաքաղաք Դոհայում բանակցությունների արդյունքով պայմանավորվել են սառեցնել նավթի արդյունահանումը։ Այս մասին հայտնում է Bloomberg գործակալությունը՝ հղում անելով Կատարի էներգետիկայի նախարար Մուհամմադ Սալեհ Ալ-Սադին։

Արդյունահանումը կկայունացվի հունվարի 11-ի մակարդակի վրա՝ այնուհետ գործակալությանն ասել է Սաուդյան Արաբիայի նավթարդյունահանման հարցերով նախարար Ալի Ալ-Նաիմին։ Նա հստակեցրել է, որ Սաուդյան Արաբիան նույնպես համաձայնել է այդ որոշմանը և չի ավելացնի ադյունահանումը շուկայում առաջարկի գերավելցուկի պատճառով։

Ավելի վաղ The Wall Street Journal-ը, հղում անելով ՕՊԵԿ-ի պաշտոնական ներկայացուցիչներին, հայտնել էր, որ հանդիպմանը մասնավորապես ներկա կլինեն Սաուդյան Արաբիայի, Նիգերիայի, Վենսուելայի և Ռուսաստանի ներկայացուցիչները (էներգետիկայի նախարար Ալեքսանդր Նովակը)։