SANA լրատվական գործակալության փոխանցմամբ՝ Սիրիայի ԱԳՆ-ն նամակ է հղել ՄԱԿ-ի գլխավոր քարտուղար Բան Կի Մունին ու Անվտանգության խորհրդին, որում հանդես է եկել Թուրքիայի կողմից սիրիական տարածքի հրետակոծման կտրուկ դատապարտմամբ և դրանք անվանել է ահաբեկիչների հանդեպ ուղիղ աջակցություն։
Շաբաթ օրը թուրքական հրետանին հրետակոծել է Միննեխ ավիաբազայում ու մոտակա գյուղում գտնվող Սիրիայի քրդերի ինքնապաշտպանական ջոկատներին։ Թուրքիայի վարչապետ Ահմեթ Դավութօղլուն դա անվանել է Սիրիայի քրդերի կողմից Թուրքիայի սահմանին սպառնալու պատասխան միջոց և Սիրիայի քրդերից պահանջել էր լքել Հալեպի հյուսիսից ընկած դիրքերը, սակայն նրանց առաջնորդ Սալեհ Մուսլիմից մերժում է ստացել։
Սիրիայի ԱԳՆ հղած տեքստում նշված է, որ թուրքական ծանր հրետանու կողմից սիրիական տարածքի հրետակոծումն ուղիղ աջակցություն է ահաբեկչական խմբավորումներին ու նրանց մարտական ոգին բարձրացնելու փորձ։