Ավելի քան 2 մլն սիրիացիներ են եկել Սաուդյան Արաբիա Սիրիայի հակամարտության սկզբից ի վեր: Այդ մասին հայտարարել է Սաուդյան Արաբիայի ԱԳ նախարար Ադել ալ-Ջուբեյրը՝ գրում է tass.ru-ն:
Նրա պնդմամբ. «2,5 մլն սիրիացիներ են եկել թագավորության տարածք 2011թ. Սիրիայի հակամարտության սկզբից ի վեր»:
Ալ- Ջուբեյրը հաստատել է իր երկրի դիրքորոշումը՝ մեղադրելով Սիրիայի ներկա իշխանություններին ճգնաժամի քաղաքական լուծումը ձգձգելու մեջ: Նախարարը պնդել է, որ Սիրիայի գործող նախագահ Բաշար Ասադը չի մնա իշխանության ղեկին. այդ հարցը արդեն լուծված է: Նա կհեռացվի իշխանությունից կա՛մ քաղաքական գործընթացի արդյունքում, կա՛մ ռազմական ճանապարհով: Միջսիրիական բանակցությունների գործընթացի վերաբերյալ ալ-Ջուբեյրը նշել է, որ այն վերականգնելու հնարավորությունը կա, սակայն շատ սահմանափակ է: