Իսրայելը հենց սկզբից որոշում ընդունեց չմիջամտել Սիրիայի ներքին իրավիճակին՝ հստակեցնելով սեփական շահերը: Այդպիսի հայտարարությամբ է հանդես եկել կիրակի օրը Իսրայելի պաշտպանության նախարար Մոշե Յաալոնը Մյունխենում անվտանգության հարցերով կոնֆերանսի ժամանակ՝ գրում է tass.ru-ն:
«Ինչ վերաբերում է Սիրիայի հարցով Իսրայելի քաղաքականությանը, մենք հենց սկզբից մեզ համար որոշում ենք ընդունել չմիջամտել»,- ասել է նա:
«Մենք հստակեցրել ենք մեզ համար մեր շահերը, հենց սկզբից ասել ենք, որ չենք հանդուրժի մեր ինքնիշխանության խախտումը: Երբ այդպիսի փորձեր եղան, մենք արձագանքեցինք դրանց»,- ընդգծել է Յաալոնը:
