ՄԱԿ-ը սպասում է, որ Լիբիայում փետրվարի 14-ին նոր կառավարություն կձևավորվի: Եթե դա իրականանա, երևան կգան բոլոր պայմանները, որպեսզի ՆԱՏՕ-ն սկսի երկրորդ գործողությունը Լիբիայում: Փետրվարին ԱՄՆ և ԵՄ պաշտպանության նախարարներն արդեն երկու անգամ հանդիպել են այդ հարցով: Ներխուժման գաղափարն ակտիվորեն առաջ է քաշում Վաշինգտոնը: Եթե ԱՄՆ-ն և ԵՄ-ն համաձայնության չգան մոտ ապագայում, ապա հենց Լիբիան կվերածվի ԴԱԻՇ-ի գլխավոր ամրոցը, գրում է gazeta.ru-ն:
Փետրվարի 14-ին Լիբիայում ազգային միասնության նոր կառավարություն պետք է ձևավորվի: Այդ մասին ավելի վաղ այս շաբաթ հայտարարել է Իսպանիայի ԱԳ նախարար Խոսե Մանուել Գարսիա-Մարգալյոն ՄԱԿ-ում Լիբիայի հարցով հատուկ ներկայացուցիչ Մարտին Քոբլերի հետ հանդիպումից հետո: Եթե դա իրականանա, Լիբիայում միացյալ կառավարություն կձևավորվի, որը կարող է հավանություն տալ և ուղղորդել այդ երկրում արևմտյան դաշնակիցների ռազմական գործողությունները:
Դա կլինի ՆԱՏՕ-ի անդամ երկրների երկրորդ լիբիական գործողությունը: Առաջինը, որ իրականացվեց 5 տարի առաջ, թույլ տվեց, որ տեղացի ապստամբները տապալեն Մուամար Քադաֆիի ռեժիմը և երկիրն ընկղմեն քաոսի մեջ, որը գնալով խորանում է տարեցտարի:
