Ռայան Ռեյնոլդսը և Բլեյք Լայվլին մեծացնում են իրենց փոքրիկ աղջկան՝ Ջեյմսին: SiriusXM EW Radio-ին տված հարցազրույցում դերասանը խոստովանել է, որ երազում է մեծ ընտանիքի մասին:
«Եթե ես 9 դուստր ունենայի, շատ երջանիկ կլինեի: Ես լուրջ եմ ասում»,- ասել է նա: Ռայանի ընտանիքում միայն տղաներ են, գուցե դա է պատճառը, որ նա երազում է միայն դստրեր ունենալու մասին: Ռեյնոլդսն իր մանկությունից հիշում է, թե ինչպես էին եղբայրներով 15 րոպեում տունը իսկական քաոսի վերածում:
Վերջերս Ռեյնոլդսին հեռուստահաղորդավար Ջիմ Ֆելոնը տեղեկացրեց, որ նա ճանաչվել է «Ամենասեքսուալ հայրիկը»: Զարմացած Ռայանն ի պատասխան կատակել էր. «Երևում է՝ չկա ավելի սեքսուալ բան, քան տղամարդը, ով իր կնոջը երեխա է պարգևում, իսկ հետո զարմանում է, երբ այդ երեխան լույս աշխարհ է գալիս»:
