ԱՄՆ պետդեպարտամենտի ներկայացուցիչ Մարկ Տոները հայտարարել է, որ ԱՄՆ-ն հետ է ստացել ուսումնական հրթիռը, որը 2014-ին սխալմամբ ընկել էր Կուբայի վրա, հաղորդում է Reuters-ը:
«Մենք կարող ենք ասել` առանց մանրամասնելու, որ տվյալ ուսումնական հրթիռը վերադարձվել է Կուբայի կառավարության հետ համագործակցության արդյունքում»,- ասել է նա:
Նշվում է, որ Hellfire հրթիռն առանց որևէ մարտական լիցքի Եվրոպա է ուղարկվել զորավարժությունների համար, սակայն անհասկանալի կերպով հայտնվել է Կուբայում:
Տոները նշել է, որ հենց երկկողմանի դիվանագիտական հարաբերություններն են օգնել խնդրին դրական լուծում տալ: