Միջազգային հանրությունը հայտնվել է Սիրիայի հարցում «ճշմարտության պահի» հետ դեմ առ դեմ: Այս մասին BBC-ի հետ հարցազրույցում հայտարարել է ԵՄ արտաքին գործերի ու քաղաքականության գերագույն հանձնակատար Ֆեդերիկա Մոգերինին:
Մոգերինիի խոսքերով` Մյունխենի անվտանգության համաժողովին մասնակցող համաշխարհային առաջնորդները պետք է գործնականում իրագործեն Սիրիայում մարտական գործողությունների դադարի համաձայնագիրը մեկ շաբաթվա ընթացքում և մարդասիրական մատակարարումների անհապաղ մեկնարկը:
Մոգերինին ընդգծել է, որ Եվրոպան անում է ամեն հնարավոր բան, որպեսզի այդ ծրագիրը գործի, և Ժնևում կվերսկսվեին հակամարտության քաղաքական լուծման որոնման բանակցությունները:
Այն հարցին, թե արդյոք Եվրոպան կմասնակցի B ծրագրին` ցամաքային օպերացիային, Մոգերինին պատասխանել է.
«Եվրոպան ներդնում է իր ամբողջ իշխանությունը, իր ամբողջ ջանքերը, որպեսզի գործի A ծրագիրը: Մենք այդ ծրագիրը մոտ 48 ժամ առաջ ենք մշակել: Մենք պետք է այնպես անենք, որ այն աշխատի հաջորդ 7 օրերի ընթացքում: Եկեք կենտրոնացնենք մեր աշխատանքն ու էներգիան, որ այն գործի, շատ դժվար է: Շատ դժվար»: