Մեքսիկայի նախագահ Էնրիկե Պենյա Նյետոն շաբաթ օրը նախագահական պալատում հանդիսավոր կերպով ընդունել է երկրում առաջին հայրապետական այցով գտնվող Հռոմի պապ Ֆրանցիսկոսին՝ գրում է RIA Novosti-ն:
Հանդիպումից առաջ Հռոմի պապն ավտոշարասյունով շրջել է քաղաքի փողոցներով մինչև նախագահական պալատ՝ ողջունելով իր ճանապարհի երկայնքով հավաքված հազարավոր մարդկանց: Քահանայապետը «պապամոբիլով էր»՝ ոստիկանության և թիկնապահների ուղեկցությամբ, և ավտոմեքենայից թափահարում էր ձեռքը հավաքվածներին:
Պապի այցի ընթացքում Մեխիկոյում շարունակ հնչել են կաթոլիկական եկեղեցիների հարյուրավոր զանգերի ղողանջները:
