«Նոր Հայաստան» հանրային փրկության ճակատը միասնական հանրահավաք անցկացնելու վերաբերյալ բանակցություններ է վարում մի շարք քաղաքական ուժերի հետ, այդ թվում՝ նաև «Հայաստան» ժողովրդական նախաձեռնության հետ: Նախաձեռնության անդամ Աշոտ Մանուչարյանը «Առաջին լրատվական»- ի հետ զրույցում ասաց. « Շատ կարևոր է, որ այդ օրը հանդիպենք բոլորս և խոսենք, թե ինչ ուղիով և ուր ենք գնալու, որ այդպիսի խնդիրներ այլևս չառաջանան»:
Ա. Մանուչարյանի դիտարկմամբ՝ այսօրվա աշխարհում փողն է դարձել աստված, և մարտի 1-ին այդ փողի աշխարհը մեզ գնդակահարեց: «Հենց որոշեցինք հարստություն կուտակելով հաճույքներ ստանանք՝ մենք որպես մարդ ավարտված ենք, մենք վերածվում ենք իրար ոչնչացնող ռոբոտների,- նշեց Ա. Մանուչարյանը ՝ հավելեով, որ այլևս այդ աստվածով ապրել հնարավոր չէ:
Ա. Մանուչարյանի կարծիքով՝ ամենակարևորն այն է, թե ինչ պետք է անենք, որ այս ամեն ինչն ավարտվի. «Գնդակահարություններով ընդհատվեց այդ էջը. ի՞նչ անենք, որ մենք այդ կետից շարունակենք»:
Մանուչարյանը նշեց , որ առաջին հերթին անհրաժեշտ է, որ ժողովուրդը համախմբվի. «Մենք կորցրել ենք մեր ամբողջականությունը, պետք է ձեռք բերենք այն: Հենց որ հավաքվեցիք, իշխանությունն անելու է այն, ինչ-որ մենք ենք ուզում:
Լավագույնը կլիներ, որ մարտի 1-ին եկեղեցուն և մտավորականությանը հրավիրեին հրապարակ, և բոլորն անխտիր գային, երդվեին, որ այլևս այդպիսի բան չի լինելու և ուղի մշակեին, որով գնալու են»:
Մանրամասները՝ տեսանյութում: