Թուրքիան անհրաժեշտության դեպքում պատրաստ է ռազմական գործողություններ ձեռնարկել «Դեմոկրատական միություն» կուսակցության զինյալների դեմ, որի մեջ միավորված են սիրիացի քրդերը: Այս մասին հայտնել է Թուրքիայի վարչապետ Ահմեթ Դավութօղլուն՝ ելույթ ունենալով հեռուստատեսությամբ՝ փոխանցում է Interfax-ը:
«Անհրաժեշտության դեպքում մենք Սիրիայում կարող ենք ձեռնարկել նույն գործողությունները, ինչ արել ենք Իրաքի Կանդիլում»,- ասել է նա՝ նկատի ունենալով անցյալ տարի Իրաքի հյուսիսային Կանդիլ լեռներում Քրդական աշխատավորական կուսակցության դիրքերի ռմբակոծումները:
Ընդ որում, նա հույս է հայտնել, որ Թուրքիայի բարեկամները և դաշնակիցները կօգնեն իրենց այդ հարցում:
Թուրքիայում սիրիացի քրդերի «Դեմոկրատական միություն» կուսակցությունը համարվում է ահաբեկչական խմբավորում: