Իտալացի մասնագետ Կարլո Անչելոտին, ով ընթացիկ մրցաշրջանի ավարտից հետո գլխավորելու է «Բավարիա»-ն, Մյունխեն էր ժամանել՝ ակումբի ղեկավարների հետ լրացուցիչ բանակցություններ վարելու համար: Հանդիպման ընթացքում քննարկվել են ամառային տրանֆերային ծրագրերը:
Անչելոտին ցանկանում է «Բավարիա»-ում տեսնել Խամես Ռոդրիգեսին և Կարիմ Բենզեմային: Երկու ֆուտբոլիստների խաղային որակների մասին Անչելոտին գիտի «արքայական ակումբ»-ում նրանց հետ համատեղ աշխատելու տարիներից:
Նշենք, որ Խամեսն այնքան էլ լավ հարաբերություններ չունի ակումբի ղեկավարների և մարզիչների հետ, և նրա տրանսֆերը կարող է վաճառքի հանվել: Ինչ վերաբերում է Բենզեմային, ապա նա կարող է հեռանալ «Ռեալ»-ից, եթե ամռանը կայանա Ռոբերտ Լևանդովսկիի տրանսֆերային գործարքը:
