Իրանի ԱԳ նախարար Մոհամադ Ջավադ Զարիֆը, դիմելով Մյունխենի անվտանգության կոնֆերանսի մասնակիցներին, հայտարարել է Իրանի ընդհանուր շահերի մասին, այդ թվում՝ եվրոպական գործընկերների հետ, հայտնում է RIA Novosti-ն:
«Մենք ունենք ընդհանուր հնարավորություններ, ընդհանուր մարտահրավերներ, ընդհանուր սպառնալիքներ և ընդհանուր ապագա: Եթե մենք սկսենք այն բանից, որ այլ կերպ սահմանենք մեր տարածաշրջանի խնդիրները, եթե մենք մոռանանք անցյալը, մենք միշտ կարող են մնալ անցյալի գերիները: Մենք յուրաքանչյուրս ունենք տարբեր հայացքներ: Մենք միշտ կարող ենք ունենալ սեփական հայացքներ, դրանք միշտ կտարբերվեն»,- հայտարարել է նա ուրբաթ օրը:
Զարիֆի խոսքերով` Սաուդյան Արաբիայի ներկայացուցիչներն ունեն իրենց պատկերացումը տարածաշրջանում կարգ ու կանոնի մասին, սակայն երկու երկրներն էլ ձգտում են այն բանին, որ ստացվի «հանգիստ, անվտանգ Պարսից ծոց»:
«Ես կարծում եմ, որ եթե մենք համաձայնվենք և խոստովանենք, որ դա այդպես է, ապա մենք կարող ենք աշխատել»,- նշել է Զարիֆը: «Մենք պետք է փոխենք մեր հայացքը իրականության նկատմամբ»,- հավելել է նա: