Փաստաբան Ալեքսանդր Սիրունյանի նկատմամբ կարգապահական վարույթի հարուցումը մերժվել է: Այդ մասին տեղեկանում ենք Փաստաբանների պալատի կայքէջից:
Նշենք, որ փաստաբանի նկատմամբ կարգապահական վարույթ հարուցելու դիմում էր ներկայացրել մահացած ծննդկանի հայրը՝ Վաղինակ Մարգարյանը:
Հիշեցնենք, որ տուժող կողմին վիրավորել և ցավ է պատճառել փաստաբան Ալեքսանդր Սիրունյանի կողմից թույլ տրված մի շարք արտահայտություններ՝ «հոսպիտալացնեին էլ մահանալու էր, չհոսպիտալացնեին էլ», «եթե մարդ դատվեց այս գործով, ապա դա հաստատ Շուշանիկ Բախշյանը չի լինելու», «էտ ընտանիքը», «այս մահացածի մոտ գտել են մի փոքր մսի կտոր, ասել են՝ սա լյարդն է եղել, սա էլ թոքերն են եղել»:
Նշենք, որ Ալեքսանդր Սիրունյանը ծննդկան Մերի Մարգարյանի մահվան գործով «Շենգավիթ» ԲԿ-ի բժշկուհի Շուշանիկ Բախշյանի պաշտպանն է:
ՀՀ Փաստաբանների պալատի նախագահի՝ փաստաբան Ալեքսանդր Սիրունյանի նկատմամբ կարգապահական վարույթի հարուցումը մերժելու որոշումն այստեղ: