«Եթե մենք գնում ենք համագործակցության, ուրեմն մենք այդքան խիստ ուշադրություն չպետք է դարձնենք պորտֆելների քանակին, կարևորը պատասխանատվությունն է, մենք միասնական պետք է կիսենք պատասխանատվությունը», «Առաջին լրատվական»- ի հետ զրույցում նշեց ՀՀԿ խմբակցության ղեկավար Վահրամ Բաղդասարյանը՝ անդրադառնալով ՀՀկ-ի շռայլությանը ՀՅԴ-ի նկատմամբ՝ նրան երեք նախարարի և երկու մարզպետի պորտֆել նվիրելու առումով:
Վ. Բաղդասարյանի խոսքով՝ քննարկման ընթացքում անձերը կամ ոլորտների բացթողումները չեն նկատի առնվել, այլ ընդհանուր առմամբ պատասխանատվության նպատակահարմարությունը. «Ձեզ թվում է, որտեղ մենք բացեր ունենք, պետք է տանք մյուսներին, որ գան փրկե՞ն այդ ոլորտը: Խնդիրն այդպես դրված չի եղել: Այդ ոլորտներում բավականին հաջողված և փորձառու մարդիկ են աշխատել»,- նշեց Վ. Բաղդասարյանը՝ հավելելով, որ ՀՅԴ-ի հետ համագործակցությունը ներկայի խնդիր չի լուծում, այլ միտված է ապագային:
ՀՀԿ ղեկավարը հավաստիացրեց, որ 2017-ին մեկ ընդհանուր ցուցակով խորհրդարանական ընտրություններին մասնակցելու վերաբերյալ հարցեր դեռևս չեն քննարկվել:
Անդրադառնալով ԵԱՀԿ/ԺՄԻԳ-ի զեկույցին, Վ. Բաղդասարյանը նշեց, որ բարձր են գնահատում ԵԱՀԿ/ԺՄԻԳ-ի դերակատարությունը և պետք է համագործակցեն նրանց հետ, և առաջարկությունները պետք է քննարկվեն ԸՕ կազմելու ժամանակ:
Մանրամասները՝ տեսանյութում: