ԱԺ պետաիրավական հարցերի հանձնաժողովում քննարկվում էր Զարուհի Փոստանջյանի՝ ՄԻՊ պաշտոնում առաջադրվելու հարցը։
ՀՀԿ պատգամավոր Լևոն Մարտիրոսյանը, դիմելով Զ. Փոստանջյանին ասաց. զարմանահրաշ մտքեր արտահայտեց, պատմական էքսկուրս արեց. «Այնպիսի տպավորություն է, որ, քանի որ այս գումարման ԱԺ-ն ավարտվում է, դուք աշխատանքի փնտրտուքի մեջ եք: Եթե այդպես է նույնիսկ, ևս զարմանալի է, որովհետև դուք հաստատ գիտեք, որ չեք ընտրվելու ՄԻՊ՝ զուտ թվաբանական առումով, քանի որ իշխանությունն ավելի շատ ձայն ունի, հարց է՝ ձեր խմբակցությունից ձայն կտա՞ն ձեզ, թե ոչ»:
«Ես ավելի դյուրին, ավելի հարմար պայմաններում կարող եմ արժանավայել վաստակ ունենալ: Ինձ շատ հարազատ մի գործընկեր ինձ այսպես է բնութագրում, որ ես փոթորկի մեջ եմ ինձ հանգիստ զգում ու իմ տեղը պայքարն է: Երևի ճիշտ է ասում: Պայքարն ինձ համար ավելի գերադասելի է, քան ինչ-որ աշխատանք ունենալը»:
ՀՅԴ պատգամավոր Արծվիկ Մինասյանը միջամտեց՝ Զարուհի Փոստանջյանին ասելով. «Ավելի լավ է լինել կատվի գլուխ, քան առյուծի պոչ»:
«Ես չգիտեմ՝ ինչի պոչ ու գլուխ, բայց իմ պաշտպան լինելու ընթացքում շատերն են ասել. «Ինչ լավ կլիներ, եթե մեր փաստաբանը լիներ Զարուհի Փոստանջյանը…»:
Մանրամասները՝ տեսանյութում: