Իրանական IRNA լրատվական գործակալության փոխանցմամբ՝ Իրանում այսօր տոնում են Իսլամական հեղափոխության հաղթանակի 37-ամյակը։ Թեհրանում ու Իրանի մյուս քաղաքներում անցկացվում են դրան նվիրված տոնական երթեր, որոնց մասնակցում են նաև իրանցի բարձրաստիճան պաշտոնյաներ։
Իրանցիներն իրենց կարգախոսներում աջակցություն են հայտնում Իսլամական հեղափոխությանը, որը վերջակետ դրեց երկրում միապետությանը։ Բացի այդ, նրանք վանկարկում են հակաամերիկյան ու հակաիսրայելական կարգախոսներ։
Այսօր նախատեսված է Իրանի նախագահ Հասան Ռոուհանիի հատուկ ելույթը։ Իրանի զանգվածային տոնակատարությունները լուսաբանում են ԶԼՄ-ների 5200 ներկայացուցիչներ, որոնցից 280-ն օտարերկրյա լրագրողներ են։
