7days.ru կայքի փոխանցմամբ՝ արտասահմանյան ԶԼՄ-ներում տեղեկություններ են հայտնվել դերասան Իդրիս Էլբայի ու նրա սիրեցյալ Նեյանա Գարտի հարաբերությունների խզման մասին։ Աղբյուրները պնդում են, որ դրա պատճառը սուպերմոդել Նաոմի Քեմբլի հետ դերասանի հարաբերություններն են։
Ընդ որում՝ ինչպես հայտնի է դարձել, Իդրիսի համար բավական է եղել «սև հովազի» (Նաոմի Քեմբլ) հետ մեկ հանդիպում, որպեսզի նա որոշի լքել Նեյանային՝ իր երկամյա որդու մորը։
Օրեր առաջ պապարացիներին հաջողվել էր Նյու Յորքի հանրահայտ գիշերային ակումբներից մեկից դուրս գալիս «որսալ» Էլբային ու Քեմբլին։ Ականատեսների խոսքերով՝ զույգը ողջ գիշեր լավ ժամանակ է անցկացրել, և ակումբը լքել են միմյանց ձեռք բռնած։ Համացանցում տեղեկություններ են տարածվել, որ Իդրիսի ու Նեյանայի հարաբերություններն ավարտված են։