Նյու Յորքում մեկնարկում է Բարձր նորաձևության շաբաթը, որին կմասնակցեն հազարավոր դիզայներներ, ոճաբաններ, մոդելներ և փորձագետներ աշխարհի ավելի քան 30 երկրներից: Նրանք կփորձեն որոշել 2016-2017թթ. աշուն-ձմեռ հավաքածուի հագուստի ընտրության գլխավոր միտումները: Այս մասին հայտնում է trend.az-ը:
Հանդիսատեսին իրենց հավաքածուները արդեն ներկայացրել են WARM-ը, Vfiles-ը և Yves Saint Laurent-ը: Փորձագետները նշել են, որ նորաձևություն են վերադառնում հարմար և մտածողության ազատությունը ընդգծող 90-ականների հագուստները:
Միաժամանակ հանրությանն իրենց հավաքածուները կներկայացնեն մի քանի աստղեր: Այսպես՝ հագուստի նոր հավաքածու կներկայացնեն Վիկտորյա Բեքհեմը և երգչուհի Ռիհաննան:
Նյու Յորքւմ Նորաձևության շաբաթն առաջին անգամ կազմակերպվել է 1943 թվականին՝ հրապարակախոս Էլեոնոր Լամբերտի կողմից: Դրան հետևել են նմանատիպ շաբաթները Լոնդոնում, Միլանում և Փարիզում: