Կառավարության շենքի առջև այսօր բողոքի ակցիա են կազմակերպել Կենտրոնի խաբված բնակիչները. պահանջում են վերանայել պայմանագրերը, յուրաքանչյուր քառակուսի մետրի դիմաց առնվազն 600 դոլար վճարել:
«Մեզ խաբեցին, ասացին պետական կարիքների համար կառույց ենք սարքում, դու մի ասա բիզնես էին անում: Մեզ դուրս շպրտեցին, մեր հաշվին հարստացան»,-բողոքեց բնակիչներից մեկը:
Բնակիչների հավաստմամբ՝ հանրաքվեից առաջ վարչապետը հանդիպել է իրենց հետ, խոստացել, որ գործին ընթացք է տալու: «Դրանից հետո վերջ, որևէ բան չեն արել: Ուր գնում ենք, մերժված դուրս ենք գալիս»,- դժգոհեցին բողոքի ակցիայի մասնակիցները:
Մանրամասները՝ տեսանյութում: