Իսպանիայի գավաթի կիսաեզրափակիչ փուլում «Վալենսիա»-ն սեփական հարկի տակ ընդունեց «Բարսելոնա»-ին:
Հյուրերը խաղադաշտ էին դուրս եկել ավելի թույլ մեկնարկային կազմով, քանի որ առաջին խաղում կարողացել էին ջախջախել «չղջիկներ»-ին 7:0 հաշվով:
Չնայած համեմատաբար ավելի թույլ կազմին, հանդիպումն ավարտվեց ոչ-ոքի` 1:1 հաշվով: Կողմերից աչքի ընկան Ալվարո Նեգրեդոն և Վիլֆրիդ Կապտումը:
Այսպիսով, երկու հանդիպումներում գրանցված արդյունքներով Իսպանիայի գավաթի եզրափակիչ փուլ դուրս եկավ կատալոնական «Բարսելոնա»-ն:
Լուիս Էնրիկեի սաները գավաթի եզրափակիչ փուլում կմրցեն «Սելտա»-«Սևիլյա» (առաջին խաղում` 0:4) զույգի հաղթողի հետ:
«Վալենսիա»-«Բարսելոնա»` 1:1
1:0 Նեգրեդո (39’), 1:1 Կապտում (84’)