Սինգապուրի բնակչուհի Մեն Ցզյանն իր երեք չաու-չաու շներին ներկերի և սանրվածքի միջոցով նմանեցրել է պանդաների, հայտնում է korrespondent.net-ը:
Շների անուններն էլ պակաս օրիգինալ չեն` Եգիպտացորեն, Կարտոֆիլ և Լոբի: Նրանք նույնիսկ Instagram-ում ունեն իրենց հաշիվը, որն օրեցօր ավելի շատ բաժանորդներ է հավաքում:
Սակայն, կենդանիների պաշտպանները տիրուհուն մեղադրել են շների նկատմամբ դաժան վերաբերմունքի համար: Դոկտոր Ջայպալ Գիլը հայտարարել է, որ նման փորձերը կարող են առաջացնել սթրես և ֆիզիկական վնաս պատճառել: