ԱՊՀ անդամ երկրների իրավապահներն ու հատուկ ծառայությունների ներկայացուցիչներն այսօր Ղրղզստանում կանցկացնեն զանգվածային զորավարժություններ, որոնց նպատակը էներգետիկ հույժ կարևոր օբյեկտների պաշտպանությունն ապահովելն է: Այս մասին հաղորդում է RIA-Novosti գործակալությունը:
Համատեղ զորավարժություններին, որոնք անցնում են ԱՊՀ հակաահաբեկչական կենտրոնի հովանու ներքո, մասնակցում են Ղազախստանի, Ղրղզստանի, Ռուսաստանի և Տաջիկստանի ներկայացուցիչները, ինչպես նաև դիտորդներ Ադրբեջանից, Հայաստանից, Թուրքմենստանից, Ուկրաինայից, Ուզբեկստանից, ինչպես նաև ՀԱՊԿ և Համագործակցության շանհայան խորհրդի ներկայացուցիչներ:
Ինչպես գործակալությանը հայտնել են հակաահաբեկչական կենտրոնի մամուլի ծառայությունից, հիմնական շեշտը դրվելու է էներգետիկ օբյեկտների անվտանգության ապահովման վրա, սակայն զորավարժություններ են իրականացվելու` հաշվի առնելով նաև Աֆղանստանի կողմից եկող սպառնալիքներին դիմագրավելու խնդիրը:
«Այստեղ առանցքային դեր է խաղալու ոչ թե ուժային, այլ կանխարգելիչ միջոցների կիրառումը, որոնք ներառում են համատեղ օպերատիվ-որոնողական միջոցառումների իրականացում, օպերատիվ տեղեկատվության փոխանակում, հետախուզման մեջ գտնվող անձանց հայտնաբերում ԱՊՀ ներքին և արտաքին սահմանները հատելիս»,- ասել է հակաահաբեկչական կենտրոնի մամուլի ծառայության ներկայացուցիչը:
