Նավթի համաշխարհային գները չորեքշաբթի ցույց են տվել դրական դինամիկա Իրանի նավթի նախարար Բիջան Զանգանեի այն հայտարարության ֆոնին, ըստ որի՝ Իրանը պատրաստ է Սաուդյան Արաբիայի հետ քննարկել նավթի համաշխարհային շուկայում ստեղծված իրավիճակը: Այս մասին հայտնում է RIA Novosti-ն:
Երևանի ժամանակով ժամը 09.14 դրությամբ՝ Brent հյուսիսծովյան նավթային խառնուրդի ապրիլյան ֆյուչերսների գինը աճել է 2.54%-ով՝ մեկ բարելի դիմաց հասնելով 31.09 դոլարի, իսկ WTI նավթի մարտյան ֆյուչերսների գինը՝ 2.38%-ով՝ մինչև 28.6 դոլար մեկ բարելի դիմաց:
Զանգանեի խոսքերը այն մասին, որ Իրանը պատրաստ է ՕՊԵԿ-ի անդամ երկրների, այդ թվում՝ Սաուդյան Արաբիայի հետ ցանկացած երկխոսության և համագործակցության, չորեքշաբթի զգալիորեն օգնել են նավթի գների աճին: