Մելբուրնի համալսարանի գիտնականները ստեղծել են միկրոսկոպիկ սարք, որը թույլ կտա էլեկտրոնային սարքերը ղեկավարել «մտքի ուժով»: Այդ մասին հայտնում է Rambler News Service գործակալությունը:
Հետազոտության հեղինակների խոսքերով` սարքը իմպլանտացվում է ուղեղում արյան անոթների միջոցով. էլեկտրոնային մատրիցը հասնում է ուղեղի անհրաժեշտ հատվածը, որտեղ հետագայում գրանցվում է նեյրոնների ակտիվությունը: Դրա շնորհիվ կիրականացվի տեխնիկայի ղեկավարումը: Սարքը ստացել է «ստենտրոդ» անվանումը: Այն իրենից ներկայացնում է փոքրիկ խողովակ, ինչպիսին բժիշկներ ներմուծում էին արյան անոթներում արյան շրջանառությունը կարգավորելու համար: