Հունաստանի ազգային պաշտպանության նախարար Պանոս Կամենոսը երեքշաբթի Բրյուսելում հանդիպել է փախստականների, ներքին գործերի և ԵՄ քաղաքացիության հարցով եվրոպական հանձնակատար Դիմիտրիս Ավրամոպուլոսի հետ և նրան տեղեկացրել է փախստականների ժամանակավոր տեղավորման հինգ կենտրոնների և նրանց տեղափոխման երկու կենտրոններ նախապատրաստման մասին: Այդ մասին հայտնել են նախարարի մամլո ծառայությունում, հայտնում է RIA Novosti-ն:
Այդ կենտրոնները, ինչպես նշվել է հանդիպման ժամանակ, պատրաստ կլինեն մինչև փետրվարի 15-ը:
Մի շարք եվրոպական երկրներ պահանջել են Հունաստանին Շենգենյան գոտուց հեռացնել, եթե վերջինս կարգ չհաստատի փախստականների գրանցման և նույնականացման հարցում: Քննադատությունից հետո Հունաստանի վարչապետ Ալեքսիս Ցիպրասը պահանջել է մինչև ԵՄ հաջորդ գագաթնաժողով` փետրվարի 18-19-ը, նախապատրաստել hot spots` փախստականների գրանցման և նույնականացման կենտրոններ: Հունաստանով Եվրոպա է անցել արդեն մոտ 1 միլիոն փախստական: