Ամերիկյան Goldman Sachs ներդրումային բանկի փորձագետների ղեկավար Ջեֆ Քարին ենթադրում է, որ նավթի համաշխարհային գնի անկումը դեռևս ավարտված չէ և չի հասել նվազագույն մակարդակին, հայտնում է Bloomberg գործակալությունը:
Քարիի կարծիքով` գների անկման նոր մղիչ կհանդիսանա պահեստներում նավթի ավելցուկը, ինչը արդեն մոտ է իր առավելագույն արժեքին: Այդ դեպքում նավթի գները չեն կարող աճել, այլ ընդհակառակը, կնվազեն ավելի շատ՝ հասնելով ընդհուպ մինչև մեկ բարելի դիմաց 20 դոլարի:
Ավելի վաղ հայտնի էր դարձել, որ Միջազգային էներգետիկ գործակալությունը 2016 թվականին նավթի համաշխարհային պահանջարկի համար կանխատեսել էր մինչև օրական 95.6 միլիոն բարել: