Մոտ ժամանակներս «հավերժական տոնի» քաղաքում` Լաս Վեգասում, կարող է հայտնվել ինքնատիպ սպորտային համալիր: Այս մասին հայտնում է Novate.ru-ն։
Ի լրումն ստանդարտ հեծանվահրապարակների և չմշկուղիների, դրա տարածքում կտեղակայվեն շինություններ` կառուցված ծովային հին բեռնարկղերից։
M-Rad ճարտարապետական ընկերությունը ներկայացրել է Լաս Վեգասում կառուցվելիք սպորտային համալիրի գաղափարը: Դրա տարածքում կտեղակայվի զբոսայգի էքստրեմալ սպորտաձևերի համար` ծովային հին բեռնարկղերից կառուցված երեք աշտարակներով: Դրանցից յուրաքանչյուրը կունենա իր նշանակությունը. հյուրանոց, առևտրային տարածքներ և սննդարտադրության կետ: Բեռնարկղերից կառուցված հյուրանոցը հաշվարկված է 60 հյուրանոցային համարի համար: Երկրորդ կառույցում իրենց բուտիկները կտեղակայեն մոդայի ամենահայտնի ապրանքանիշերը: Իսկ ահա երրորդ շինությունը կդառնա ագարակ` էկոլոգիապես մաքուր ապրանքների արտադրության համար:
Ծրագիրը ենթադրում է էներգիայի այլընտրանքային աղբյուրների տեղադրում, մասնավորապես` արևային և քամու: Այդպիսով, համալիրը կկարողանա ապահովել իրեն անհրաժեշտ էներգիայի 80%-ը:
Ապագա զբոսայգին հաճախորդներին կառաջարկի փոքր լիճ` լողափի քոթեջներով, վեց կրոս վազքուղի, չմշկուղիներ, սերֆինգի հինգ կետ: Սպորտային ապագա համալիրի տարածքը կկազմի 17 հա, իսկ արժեքը` 50 միլիոն դոլար:
Ծովային բեռնարկղերը հաճախ են օգտագործվում սովորական տների կառուցման համար: Դրանցից մի աղջիկ իր համար տուն է կառուցել: