2014թ. գազի գնի թանկանալուց հետո արդեն երկրորդ տարին անընդմեջ դեկտեմբեր և հունվար ամիսներին Հայաստանում փոքր ու միջին մեծության ջերմոցների մեծ մասը չեն մշակվում։ Էլետրաէներգիայի, գազի բարձր գների պատճառով շատ ձեռնարկատերեր չեն կարողանում լուծել ջերմոցը համեմատաբար մատչելի ճանապարհով տաքացնելու հարցը, ուստի ձմռան գալուն պես շատերը ստիպված են լինելու ջերմոցը պարապուրդի մատնելով՝ ցանքն անել վաղ գարնանը։ Հույսն այս դեպքում մնում է արևի ճառագայթների ջերմությունը։
Ոսկեվազցի Սուրեն Սարգսյանը մեկն է այն հազվադեպ ջերմոցատերերից, ով բախտը փորձել է՝ ձմռան ամիսներին աշխատեցնելով ջերմատունը։
Նախորդ տարվա համեմատ գազի գնի թանկացում չի եղել, բայց գազի ծախսը, ըստ մեր զրուցակցի, անհասկանալիորեն գրեթե կրկնակի թանկ է ստացվել։
Արևի լույսից ու ջերմությունից զուրկ ծաղիկը չի կարող փարթամ տեսք ունենալ, Ուստի տարվա այս եղանակին, երբ հատկապես ծախսը շատ է, ծաղիկն ավելի էժան է։
Մինչև գազի գները չիջնեն, ջերմոցային փոքր տնտեսությունների համար լավ ժամանակներ չեն գա։
Հանրապետության տարածքում նախորդ տարի մի շարք խոշոր ջերմոցային տնտեսություններ են շահագործվել, որոնց ի հայտ գալուց ի վեր ավելի է բարդացել փոքր տնտեսությունների արտադրանքի սպառումը։
Օտարության մեջ իր համար ապագա չի տեսնում, հայրենի գյուղի հողուջրին ամուր է կառչած։
Ջերմատան մշակության դժվարությունների մասին պատմում է Սուրենի մայրը։ Բերքահավաքի ժամանակ ծաղկի փշերը հենց նրա ձեռքերն են ծակծկում։