Մեքսիկայի դրամահատարանը պատրաստել է հուշամեդալ՝ ի պատիվ այդ երկիր Հռոմի պապ Ֆրանցիսկոսի առաջիկա այցի: Մեխիկոյի արքեպիսկոպոս կարդինալ Նորբերտո Ռիվերան այն Պապին կհանձնի փետրվարի 13-ին: Այս մասին հայտնում է El Universal թերթը:
«5 ունցիա (141 գրամ) կշռով մեդալը պատրաստված է արծաթից, դրա դիմային կողմում պատկերված է Մեխիկոյի մայր տաճարը, իսկ հակառակ երեսին՝ Նորին Սրբության դեմքը «Ֆրանցիսկոս» լատիներեն գրությամբ»,- նշում է պարբերականը: Նման մեդալներ, բայց 1 ունցիա (28,3 գրամ) կշռով կստանան մեքսիկացի եպիսկոպոսները, որոնք կմասնակցեն Պապի հետ հանդիպմանը:
Հռոմի պապը Մեխիկո կժամանի փետրվարի 12-ի երեկոյան: Փետրվարի 13-ին նա կհանդիպի այդ երկրի նախագահ Էնրիկե Պենյա Նյետոյի հետ, ավելի ուշ՝ մեքսիկացի եպիսկոպոսների հետ: Նույն օրվա երեկոյան Պապը պատարագ կմատուցի Մեքսիկայի երկնային պահապան Սուրբ կույս Գվադելուպեի բազիլիկայում: Փետրվարի 14-ին Պապը ժամերգություն կտա Մեխիկոյի արվարձան Էկատեպեկում, որտեղ, ինչպես սպասվում է, ներկա կլինի մոտ 2 մլն մարդ:
Փետրվարի 15-17-ին Հռոմի պապը կայցելի Չյապաս, Մորելոս և Չիուաուա նահանգներ, որտեղ կշփվի հնդկական ժողովուրդների ներկայացուցիչների, հոգևորականների և երիտասարդության հետ: Փետրվարի 17-ի երեկոյան նա պատարագ կմատուցի Մեքսիկան ԱՄՆ-ից բաժանող սահմանագծին Չիուաուայոմ Սյուդադ-Խուարես քաղաքի շրջանում, որից հետո կմեկնի Հռոմ: Հռոմի պապի անվտանգությունը կապահովեն հազարավոր ոստիկաններ և զինվորականներ, նաև տասնյակ հազարավոր կամավորներ:
