The Rolling Stones լեգենդար խմբի երգիչ Միք Ջագերի 30-ամյա որդին՝ Ջեյմս Ջագերը, հասկացնել է տվել, որ ինքն ավելի շատ հավանում է The Kinks բրիտանական խումբը, քան The Rolling Stones-ը:
«Երբ ինձ հարցնում են, թե ում եմ ավելի շատ սիրում՝ The Rolling Stones-ի՞ն, թե՞ The Beatles-ին, ես միշտ պատասխանում եմ, որ «ռոլինգներին»: Սակայն երբ ինչ-որ մեկը ինձ ընտրության առջև է կանգնեցնում The Rolling Stones-ի և The Kinks-ի միջև, ապա ես նախընտրում եմ վերջինին»,- մեջբերում է նրա խոսքը The Daily Mail թերթը:
Ջեյմսը Միք Ջագերի և սուպերմոդել Ջերի Հոլի որդին է, որի հետ «ռոլինգների» մեներգիչը ապրել է 22 տարի՝ 1977-1999-ը, բայց այդպես էլ պաշտոնապես չի ամուսնացել: Զույգը ունեցել է չորս երեխա՝ Էլիզաբեթ (1984), Ջեյմս (1985), Ջորջիա (1992) և Գեբրիել (1997):
