Ռուսաստանը Թուրքիայից պաշտոնական ներողության է սպասում խփված «Սու-24»-ի համար, ինչպես նաև մեղավորների պատժի և վնասի փոխհատուցման: RIA Novosti-ի հաղորդմմաբ՝ այս մասին հայտարարել է Անկարայում Ռուսաստանի դեսպան Անդրեյ Կառլովը:
«Ռուսաստանի նախագահ Վլադիրմիր Պուտինն ի սկզբանե հայտարարել է, թե Թուրքիան ինչ պետք է անի մեր հարաբերություններում այս խորագույն ճգնաժամի հաղթահարման համար: Մենք թուրքական կողմից պաշտոնական ներողության ենք սպասում, ինչպես նաև մեղավորների պատժի և այն վնասի փոխհատուցման, որը հասցվել է մեր պետությանը»,- ասել է նա:
Նրա կարծիքով՝ թուրքական կողմի հայտարարությունները, թե Թուրքիան ցավում է կատարվածի համար, բավարար չեն, «դրանց մակարդակը չի համապատասխանել նրան, ինչ տեղի է ունեցել»:
Դեսպանը նշել է, որ Ռուսաստանի և Թուրքիայի հարաբերությունների նորմալացման հնարավորություններ չի տեսնում, եթե այդ նախապայմանները չկատարվեն: