Թուրքիայի փոխվարչապետ Նուման Քուրթուլմուշը պնդում է, որ Սիրիայում ռուսական օդուժի հարվածների մի մասը բաժին է ընկնում քաղաքացիական տարածքներին: Այդպիսի կարծիք է հայտնել նա նախարարների կաբինետի խորհրդակցության արդյունքում, որտեղ քննարկվել է իրավիճակը Սիրիայում, գրում է tass.ru-ն:
«Մենք տեսնում ենք, որ Ռուսաստանի իրականացրած թռիչքները ուղղված են նաև քաղաքացիական տարածքներին: Մոտ 6200 թռիչքների 85 տոկոսն ուղղված է եղել չափավոր ընդդիմությանը և քաղաքացիական բնակչությանը»,- պնդել է Քուրթուլմուշը՝ ավելացնելով, որ Հալեպի շրջանում ռազմական գործողությունները դեպի Թուրքիա փախստականների նոր ալիք են հրահրում:
«Այժմ մոտ 200 հազար սիրիացիներ փախստականների կարգավիճակում են: Կառավարությունը գնահատել է իրավիճակը: Ամենավատ սցենարի դեպքում Թուրքիա կհասնեն 600-700 հազար նոր գաղթականներ»,- պնդել է փոխնախարարը:
