Լիտվայի գազի շուկայում նորվեգական գազի բաժինը գերազանցել է 50%-ը: Այդպիսով, Նորվեգիան առաջին անգամ շուկայում առաջ է անցել ռուսական «Գազպրոմ»-ից, որը մինչև 2014-ի ավարտը շուկայի առաջատարն էր: Այդ մասին տեղեկացրել է Reuters-ը՝ հղում կատարելով Լիտվայի էներգետիկայի նախարար Ռոքաս Մասյուլիսին, որը հայտարարել է, որ ընթացիկ ծրագրերի համաձայն՝ «նորվեգական «Statoil»-ի բաժինն այս տարի կգերազանցի 50%-ը»:
Լիտվայի էներգետիկայի նախարարը նշում է, որ նորվեգական ընկերությունների հետ կնքած պայմանագրերը վկայում են, որ «Գազպրոմ»-ի արտադրանքին շուկայում իրական մրցակից կա:
««Գազպրոմ»-ի շուկայական բաժինն ապագայում կախված կլինի գներից և այլ առևտրային պայմաններից: Քաղաքական ոչ մի որոշում, գազի գնումն առևտրային համաձայնություն է»,- նշել է Մասյուլիսը:
