ԱՄՆ նախագահի թեկնածու Դոնալդ Թրամփը համարում է, որ Ջեբ Բուշի նախագահական քարոզարշավը անհեռանկարային է, հայտնում է TASS-ը:
«Նա ոչնչի չի հասնի»,- ասել է Թրամփը: Նրա խոսքով` Սպիտակ տանը «այժմ ամենաքիչն է անհրաժեշտ ևս մեկ Բուշ»:
Ընտրողների հարցման արդյունքներից և քաղաքագետների մեծ մասի կանխագուշակումներից դատելով` երեքշաբթի Նյու Հեմփշիր նահանգում սկզբնական ընտրություններում Թրամփը հավանաբար կհաղթի: Հարցազրույցում նա այդ մասին նույնպես հիշեցրել է, չնայած խոստովանել է, որ այն բանից հետո, երբ Այովայում քվեարկության արդյունքներով գրավել է ոչ թե առաջին, այլ երկրորդ տեղը, արդեն զգուշորեն է վերաբերվում այդպիսի գնահատումներին:
Ջեբ Բուշի քարոզարշավը դեռևս անհաջող է զարգանում, և ԱՄՆ-ում շատերը կարծում են, որ ընտրապայքարից նրա դուրս գալու ժամանակն է:
