Գերմանիան անհրաժեշտ է համարում Եվրոպա անօրինական ներգաղթը կանխելու համար օրենսդրական բազայի ստեղծումը: Այդ մասին Թուրքիայի վարչապետ Ահմեդ Դավութօղլուի հետ բանակցություններից հետո մամլո ասուլիսի ժամանակ հայտարարել է Գերմանիայի կանցլեր Անգելա Մերկելը, գրում է tass.ru-ն:
«Այժմ մեզ անհրաժեշտ է օրենսդրական բազա նախապատրաստել փախստականներին ընդունելու համար: Մենք ուզում ենք կանխել Եվրոպա անօրինական ներգաղթը»,- ասել է Մերկելը: Նրա խոսքերով՝ նպատակն այն է, որպեսզի Թուրքիային մենակ չթողնեն փախստականների խնդրի հարցում: «Պետք է այդ խնդրի համար արագ և արդյունավետ լուծում գտնել Թուրքիայի համար»,- ասել է նա:
Մերկելը նաև նշել է, որ Գերմանիան ծրագրում է Թուրքիային փախստականներ ընդունել, սակայն ցանկանում է, որ դա լինի օրինանական ճանապարհով: Ըստ Մերկելի՝ Գերմանիան մտադիր է որքան հնարավոր է վերացնել բյուրոկրատական խոչընդոտները Թուրքիային որպես օգնություն 3 մլրդ եվրո տրամադրելու հարցում: «Մենք նաև կօգնենք Թուրքիայի ճամբարներում գտնվող փախստականներին»,- ասել է Մերկելը:
Մերկելը կարծիք է հայտնել նաև, որ Բեռլինը և Անկարան ձգտում են, որ ՆԱՏՕ-ն մասնակցի փախստականների անօրինական փոխադրումների դեմ պայքարին և Թուրքիայի ու Հունաստանի միջև ծովային սահմանի պահպանմանը: