Forbes պարբերականի փոխանցմամբ՝ «Աստղային պատերազմներ. Դրվագ VII. Ուժի զարթոնք» ֆանտաստիկ ֆիլմը համաշխարհային վարձույթում վաստակել է երկու միլիարդ դոլար։ Դրանով իսկ նա դարձավ «Ավատար»-ից ու «Տիտանիկ»-ից հետո ֆիլմերի պատմության մեջ երրորդ ֆիլմը, որը հասել է նման արդյունքի։
Դա անելու համար ֆիլմից պահանջվել է 53 օր։ Փորձագետները չեն բացառում, որ «Աստղային պատերազմները» կարող են գերազանցել «Տիտանիկ»-ի (2.2 միլիարդ դոլար) ու «Ավատար»-ի ռեկորդները (2.8 միլիարդ դոլար)։
«Աստղային պատերազմներ. Դրվագ VII. Ուժի զարթոնք» ֆիլմի մեկնարկը տրվել է 2015 թվականի դեկտեմբերի 17-ին։ Այն արդեն իսկ սահմանել է մի շարք ռեկորդներ։ Օրինակ, հանգստյան առաջին օրերին նա համաշխարհային վարձույթում հավաքել է 528 միլիոն դոլար (չհաշված Չինաստանի արդյունքները)։
Ֆիլմը մեկ միլիարդ դոլարի սահմանագիծը հատեց վարձույթի ընդամենը 12-րդ օրը, մինչդեռ նախորդ ռեկորդակի «Յուրյան ժամանակաշրջանի աշխարհ» ֆիլմը դա արել էր 13 օրում։ «Աստղային պատերազմներ» շարքի հաջորդ ֆիլմը էկրաններին կբարձրանա 2017 թվականին, իսկ մյուսը՝ 2019 թվականին։