NBC Connecticut-ի փոխանցմամբ՝ ԱՄՆ-ի ոստիկանությունը «կալանավորել» է Չաքլզ VIII մականվամբ էգ արջամկանը։ Կենդանին Քոնեքթիքութի բնակիչներին «խոստացել» է վաղ գարուն, սակայն այդ կանխատեսումից մի քանի օր տարածաշրջան է վրա հասել ձնաբուքը։
Տեղի իրավապահները որոշել են պատասխանատվության ենթարկել Չաքլզ VIII-ին։ Ոստիկանները «կալանավորված» արջամկան լուսանկարները ներկայացրել են Facebook-ում։ Ոստիկանությունում ընդգծել են, որ կեղծ կանխատեսման համար կենդանուն սպառնում է մինչև 6 շաբաթ ազատազրկում։
Կենդանուն «ազատել» կարող են 10.000 դոլար գրավի դիմաց։ Այդ գումարի հայթայթման դեպքում այն կտրվի տեղի մանկական թանգարաններից մեկին։