ԵԱՀԿ/ԺՄԻԳ-ը հայտարարությամբ է հանդես եկել և քննադատել սահմանադրական հանրաքվեի արդյունքները: Սահմանադրական հանրաքվեն կազմակերպվեց առանց ԵԱՀԿ/ԺՄԻԳ առաջարկությունների ուղղությամբ որևէ քայլ կատարելու: Նշվում է բազմաթիվ ընտրախախտումների, ընտրացուցակների անճշտության, կրկնաքվեարկությունների մասին:
Անդրադառնալով սահմանադրական հանրաքվեի վերաբերյալ ԵԱՀԿ/ԺՄԻԳ կոշտ հայտարարությանը՝ ԱԺ ՀՀԿ խմբակցության ղեկավար Վահրամ Բաղդասարյանը «Առաջին լրատվական»- ի հետ զրույցում նշեց, որ շատ են կարևորում ԵԱՀԿ/ԺՄԻԳ-ի գործունեությունը՝ հավելեով, որ դեռ երկար համագործակցության խնդիր կա. «Մենք այս հայտարարությունն ընդունում ենք ի գիտություն: Ցավում ենք, որ առաքելության խումբը փոքր է եղել, և մանրակրկիտ ուսումնասիրություններ չեն կարողացել կատարել»:
Վահրամ Բաղդասարյանի հավաստմամբ՝ ԵԱՀԿ/ԺՄԻԳ-ի բոլոր առաջարկները պետք է դառնան քննարկման առարկա և՛ քաղաքական ուժերի, և՛ հասարակական սեկտորի, և՛ միջազգային կառույցների հետ քննարկումների ժամանակ. «Անշուշտ սեղանին կդրվեն ԵԱՀԿ/ԺՄԻԳ առաջարկությունները, որոնք հնարավորինս պետք է նկատի ունենանք նոր Ընտրական օրենսգրքի մշակման ժամանակ»:
Մանրամասները՝ տեսանյութում: